У нядзелю будзе да +27 градусаў

• 11.08.2018, 16:46

Заўтра прагназуюцца дажджы.

У нядзелю, 12 жніўня, у Беларусі будзе воблачна з прасвятленнямі, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Уночы і раніцай на большай частцы тэрыторыі, а ўдзень пераважна па паўночнай палове краіны пройдуць кароткачасовыя дажджы. У асобных раёнах чакаюцца навальніцы.

Вецер чакаецца паўднёвы з пераходам на заходні, парывісты, удзень месцамі да моцнага - 15-18 м/с. Тэмпература паветра ўночы і раніцай складзе 12-18 градусаў цяпла. У другой палове дня паветра прагрэецца да плюс 19-25, па паўднёвым усходзе да будзе да 27 градусаў цяпла.