Трамп абвясціў аб падвышэнні падаткаў на турэцкія сталь і алюміній

• 10.08.2018, 16:35

Падаткі на алюміній і сталь былі падвоеныя.

Прэзідэнт Злучаных Штатаў Дональд Трамп абвясціў аб падвышэнні падаткаў на турэцкія сталь і алюміній.

Пра гэта амерыканскі лідар заявіў у сваім Twitter.

Кіраўнік ЗША падкрэсліў, што падаткі на алюміній і сталь былі падвоеныя.

«Я толькі што санкцыянаваў падваенне тарыфаў на сталь і алюміній у дачыненні да Турцыі. Цяпер падатак на алюміній будзе складаць 20%, а на сталь - 50%», - адзначыў прэзідэнт ЗША.

Трамп дадаў, што дачыненні ЗША і Турцыі цяпер «не найлепшыя» і адзначыў, што турэцкая ліра хутка падае ў дачыненні да даляра.