Віцебцы павіншавалі Марка Шагала са 131-й гадавінай

• 8.07.2018, 16:13

7 ліпеня ў Віцебску штогод успамінаюць сусветна вядомага мастака.

Да юбілейных дат у горадзе рыхтуюць цэлыя цыклы мерапрыемстваў. Але нават «шараговыя» даты заўсёды адзначаюцца - ускладаннем кветак да помніка на вуліцы Пакроўскай, роднай вуліцы Марка Шагала. І канцэртам у дворыку дома-музея, дзе прайшло дзяцінства будучага Мэтра жывапісу, піша «Радыё Свабода».

З Віцебскім Шагала аб'ядноўвае не толькі паходжанне: мастак шчыра прызнаваўся, што гэты горад яго натхняе і што памяць аб вузкіх вулачках, бруку пад нагамі і блакітным небе над стрэхамі невысокіх хатак не сцерліся да самых апошніх ягоных дзён.

Мастак адышоў у найлепшы свет далёка ад сваёй радзімы, але кожны жыхар Віцебска мае ў сэрцы гэты сантымент - дачыненне да фантастычнага свету творчасці «нашага Марка Захаравіча».