Прызнанне «агенткі Юлі» – вялікі выбух

• Генадзь Фядыніч
• 31.07.2018, 9:31

На міжнародным узроўні беларускім уладам не адмыцца.

Старшыня прафзвязу РЭП Генадзь Фядыніч у каментары praca-by.info падвёў вынікі першага дня судовага працэсу паводле «Справы прафзвязаў».

Прызнанне былой сакратаркі старшыні прафзвязу РЭП Юліі Юхнавец у супрацоўніцтве з КДБ лідар прафзвязу назваў «вялікім выбухам»:

– Самы вялікі выбух сёння – заява пра агентку КДБ у ролі сакратаркі старшыні РЭП. Я даведаўся пра гэта ўжо 3-4 жніўня 2017 года, – цяпер гэта пацвердзілася. Мяркую, у КДБ ніхто не патрабаваў ад Юлі прызнання, мне здаецца, прызнанне справакавала ціск грамадскасці. На міжнародным узроўні, хай і не для нашай улады, гэты інцыдэнт – вялікі выбух, пацверджанне таго, што дзеецца ў дачыненні да грамадскай арганізацыі. Адмыцца ад гэтага няма ніякіх шанцаў, – пракаментаваў Генадзь Фядыніч.