Фотафакт: Кітайскія вайскоўцы са зброяй у цэнтры Менска

• 3.07.2018, 11:48

У лукашэнкавым парадзе ўдзельнічаюць вайскоўцы Народна-вызваленчаго войска Кітая.

Сёння роўна а дзясятай раніцы каля абеліска «Менск - горад-герой» пачаўся парад войскаў Менскага гарнізона, які доўжыўся паўтары гадзіны.

У парадзе ўзялі ўдзел 4 тысячы вайскоўцы, па горадзе прайшла таксама механізаваная калона.

Сёлета ў парадзе ўпершыню ўдзельнічалі жанчыны-вайскоўкі - у іхнім парадным разліку 175 чалавек. Упершыню апынуўся ў шыхце і парадны разлік вайскоўцаў Народна-вызваленчага войска Кітая, а таксама зборны разлік кадэцкіх вучэльняў, спецыялізаваных ліцэяў і кадэцкіх корпусаў, піша onliner.by.