Якія пагодныя рэкорды былі ўсталяваныя ў Беларусі
- 19.07.2018, 18:45
У 2018-м годзе беларусы сталі сведкамі адразу некалькіх пагодных рэкордаў.
Такі сакавік, як сёлета, бывае раз на пяць гадоў
Сіноптыкі Белгідрамета прыйшлі да высновы, што першае паўгоддзе 2018-га выдалася цяплейшым, чым звычайна: сярэдняя тэмпература ў Беларусі была 5,6 градуса, што вышэй за кліматычную норму на 0,7 градуса, піша kp.by.
Аднак надвор'е ў розны час усё-такі падавала сюрпрызы.
- Люты сёлета быў вельмі халодны. Сярэдняя тэмпература паветра -6 градусаў, што на 1,7 градуса ніжэй за кліматычную норму. Самая нізкая тэмпература за гэтую зіму, -30,4 градуса, зафіксаваная ў Клічаве. Такіх паказчыкаў не было апошнія 25 гадоў, - распавядае начальніца сектара метадычнага забеспячэння гідраметэаралагічных прагнозаў Белгідрамета Наталля Клявец. - Халодным быў і сакавік, сярэдняя тэмпература якога склала -2,6 градуса. C 1981 года такі халодны сакавіка бывае раз у пяць гадоў.
Красавік і травень білі рэкорды па цяплу
У красавіку сярэдняя тэмпература перавысіла кліматычную норму ажно на 3,2 градуса! Такі цёплы красавік быў толькі другім разам за ўсю гісторыю метэаназіранняў. Працягнуў эстафету і травень.
- Гэта быў самы цёплы травень за ўсю гісторыю. Сярэдняя тэмпература склала 16,7 градусаў цяпла, што на 3,5 градуса вышэй за норму. А, да прыкладу, у Берасці слупок тэрмометра зусім падняўся да 31 градуса цяпла! - працягвае Наталля Клявец.
Ліпеньскія дажджы і навальніцы захаваюцца да канца тыдня
Лета пачалося з прыемнага і сухога надвор'я, у чэрвені было цяплей, чым звычайна. Пачатак ліпеня выдаўся больш халодным, а цяпер ужо больш за тыдзень у Беларусі ідуць моцныя дажджы з навальніцамі і парывістым ветрам. Хоць спецыялісты нагадваюць, што ліпеня заўсёды быў самым вільготным месяцам у годзе.
- У першым паўгоддзі быў недабор ападкаў. У сярэднім па краіне выпала 223 мм, што складае 76% ад кліматычнай нормы, - кажа Наталля Клявец. - першая палова ліпеня адзначаная багатымі дажджамі: па краіне ў сярэднім выпала 73 мм ападкаў, што склала 172% ад кліматычнай нормы.
Вінаватым у дажджлівым надвор'і стаў маларухомы цыклон з Украіны. Сіноптыкі гавораць, што цёплае надвор'е з праліўнымі дажджамі больш характэрнае для чарнаморскага ўзбярэжжа. Такое надвор'е захаваецца да пачатку наступнага тыдня, тэмпература будзе +14… +19 градусаў, удзень - +22… +28.
У пачатку тыдня на захадзе краіны будзе менш дажджоў, а вось жыхарам цэнтральных і ўсходніх рэгіёнаў не варта хаваць парасоны: там захаваецца няўстойлівае надвор'е з кароткачасовымі дажджамі і навальніцамі.