Фотафакт: Марадона прыляцеў у Берасце на самалёце з залатым рукамыйнікам
- 18.07.2018, 10:12
Кошт лётнай гадзіны такога самалёта - $6 тысяч.
У Берасце прыляцела зорка сусветнага футбола Дыега Марадона - учора пачаў дзейнічаць ягоны кантракт з клубам «Дынама Брэст», спецыяліст стаў старшынём праўлення берасцейскага клуба. Марадона прыляцеў на невялікім прыватным самалёце Hawker 800XP. Многія задаліся пытаннем - гэта асабісты самалёт Марадоны? Выданне kp.by высветліла падрабязнасці.
Мець асабісты самалёт ва ўласнасці - гэта раскоша нават для заможных людзей. Таму бізнэсоўцы і зоркі спорту ці шоў-бізнэсу карыстаюцца паслугамі авіякампаній, якія займаюцца бізнэс-перавозкамі на невялікіх самалётах з vip-салонам.
Паслугамі такой авіякампаніі скарысталіся і арганізатары прылёту Марадоны ў Берасце. Самалёт Hawker 800XP, на якім прыляцела зорка футбола, эксплуатуе невялікая літоўская авіякампанія - усяго ў яе чатыры самалёты.
Vip-салон гэтага борта месціць восем пасажыраў. Унутры знаходзяцца пяць крэслаў і трохмесная канапа. Таксама ёсць два столікі, шафа для адзення і туалет. Салон самалёта аздоблены дрэвам.
Кошт лётнай гадзіны такога самалёта - $6.000. Кошт самага самалёта 1999 года выпуску (на такім прыляцеў Марадона) - паўтара мільёна даляраў.