На ўездзе ў Польшчу сабралася больш за 290 легкавых аўтамабіляў

• 17.07.2018, 20:56

Чэргі на беларуска-польскай мяжы не змяншаюцца нават у буднія дні.

- На польскім напрамку фармуюцца досыць працяглыя чэргі з легкавых аўтамабіляў. Таксама чакаюць і грузавыя аўто. Прычына павелічэння чэргаў звязана з нерытмічным афармленнем транспартных сродкаў на сумежным баку. Не забяспечваюцца нормы па колькасці афармлення транспарту за адзінку часу, - цытуе belta.by афіцыйнага прадстаўніка Дзяржаўнага памежнага камітэта Антона Бычкоўскага.

На 14.00 аўторка, 17 ліпеня, у «Брузгах» стаяць у чарзе на ўезд у Польшчу 150 легкавікоў і 110 грузавікоў. Больш за 120 легкавікоў стаяць у «Берасці» і 20 - у «Дамачава». А вось чэргаў з легкавых аўтамабіляў у пунктах пропуску «Бераставіца» і «Пясчатка» няма.