Рэспубліканцы рэзка крытыкуюць Трампа за яго пазіцыю ў Хельсінкі
- 16.07.2018, 21:04
Рэспубліканцы пракаментавалі сустрэчу Трампа і Пуціна.
Старшыня сенацкага Камітэта ў замежных справах Боб Коркер, адказваючы ў Капітоліі на пытанні групы журналістаў, выказаў рэзкае расчараванне пазіцыяй прэзідэнта ЗША Дональда Трампа на сустрэчы ў Хельсінкі з прэзідэнтам Расеі Уладзімірам Пуціным, паведамляе «Радио Свобода».
З ягоных слоў, факт умяшання Расеі ў амерыканскія выбары не падлягае сумневу і спецслужбы не давалі прэзідэнту ніякай падставы сумнявацца ў абгрунтаванасці высноў аб ролі Масквы.
Спікер Палаты прадстаўнікоў Кангрэсу ЗША рэспубліканец Пол Раян таксама заявіў, што факт умяшання Расеі ў амерыканскія выбары 2016 года ўстаноўлены спецслужбамі.
Такім чынам абодва палітыкі, не чакаючы прыбыцця Трампа з Хельсінкі ў Вашынгтон, паспяшаліся адмежавацца ад яго пазіцыі, публічна выказанай на саміце з Уладзімірам Пуціным. Трамп, адказваючы на пытанні журналістаў у Хельсінкі, назваў расследаванне расейскага ўмяшання, якое вядзе ў ЗША, вельмі неспрыяльным для стасункаў паміж Масквой і Вашынгтонам і падтрымаў прэзідэнта Пуціна, кірунак абвясціў, што ніякага ўмяшання не было.