Фотафакт: 10 чыноўнікаў вызначаюць, хто палезе ў каналізацыйны люк

• 16.07.2018, 14:21

У каналізацыйны калодзеж так ніхто і не палез.

13 ліпеня ў Менску затапіла надоечы адрамантаваныя вуліцы Рэвалюцыйную і Камсамольскую. Іх рэканструкцыя каштавала гарадскому бюджэту блізу 2,3 млн рублёў, але каналізацыю, здольную вытрымаць моцны дождж, там пабудаваць так і не здолелі, паведамляе Еўрарадыё.

У панядзелак каля ржавых люкаў сабраўся тузін чыноўнікаў і работнікаў "Рамаўтадора". Яны ходзяць ад люка да люка і абмяркоўваюць, што цяпер рабіць, каб каналізацыя пачала дзейнічаць.

Еўрарадыё трохі пахадзіла разам з імі. Самае частае слова, якое паўтаралі чыноўнікі: "Неўзабаве". У каналізацыйны калодзеж так ніхто і не палез.