Азаранка: Дзякуй усім за два цудоўныя тыдні

• 16.07.2018, 10:18

Беларуская тэнісістка падзякавала заўзятарам за падтрымку на «Уімблдоне».

Беларуская тэнісістка Вікторыя Азаранка разам з брытанцам Джэймі Марэем саступіла ў фінале міксту на Уімблдоне Аляксандру Пея з Аўстрыі і Ніколь Мелічар з ЗША - 6:7, 3:6. Шлях па турнірнай сетцы Азаранкі і Марэя быў няпростым, магчыма, ім проста не выстарчыла сіл на вызначальным паядынку, піша «Еўрарадыё».

«Дзякуй усім за два цудоўныя тыдні», - напісала Вікторыя ў Twitter.

У адзіночным разрадзе на Уімблдоне ў мужчын перамог серб Новак Джокавіч, а ў жанчын - немка Ангеліка Кербер.