У пункце пропуску «Прывалка» спынены рух аўтамабіляў

• 15.07.2018, 11:11

Абмежаванне руху будзе дзейнічаць да 14.00.

У пункце пропуску «Прывалка» сёння да 14.00 абмежаваны рух у сувязі з правядзеннем VIII Міжнароднага марафону дружбы «Друскінінкай - Горадня 2018». Такая інфармацыя размешчаная на сайце Дзяржаўнага памежнага камітэта Беларусі.

Кіроўцам рэкамендуюць улічваць гэтую інфармацыю пры планаванні перасячэння мяжы.

Таксама да 14.00 на дарозе па маршруце: пункт пропуску «Прывалка» - вёска Гожа - вёска Зарыца - Горадня (вул. Грандзіцкая, вул. Горкага) абмежаваны рух аўтамабіляў.