Кіраўнік разведкі ЗША параўнаў кібератакі РФ з падрыхтоўкай тэрактаў 11 верасня
- 15.07.2018, 10:44
Дэніэл іэл Коўтс назваў дзеянні расейскіх хакераў «чырвоным сігналам».
Кіраўнік Нацыянальнай выведкі ЗША Дэніэл Коўтс распавёў пра маштабную хвалю кібератакі, пад якую падпадае інфраструктура ў ЗША, паведамляе CNN. З ягоных слоў, такія «папераджальныя знакі» назіраліся перад тэрактамі 11 верасня.
«Мы бачым папераджальныя знакі... Я веру, што гэта крытычны пункт для нас. Сёння лічбавая інфраструктура нашай краіны ў даслоўным сэнсе знаходзіцца пад атакай», - заявіў Коўтс на выступе ў Вашынгтоне.
Коўтс параўнаў гэтую сітуацыю з той, з якой ЗША сутыкнуліся перад тэрактамі 11 верасня. «За некалькі месяцаў да 11 верасня 2001 года, як казаў экс-кіраўнік ЦРУ Джордж Тэнет, сістэма «мігцела чырвоным». І вось, праз дваццаць гадоў, я выступаю перад вамі і кажу: сігнальныя агні зноў мігцяць чырвоным колерам».
Са слоў кіраўніка Нацыянальнай выведкі, галоўнымі арганізатарамі кібератакі на амерыканскую інфраструктуру з'яўляюцца Расея, Кітай, Іран і Паўночная Карэя. Расею ў гэтым спісе Коўтс выдзеліў асабліва, назваўшы яе «самым агрэсіўным замежным акторам». Расея, сцвярджае ён, працягвае «свае намаганні ў падрыве дэмакратыі».
Коўтс назваў галоўныя мэты кібератакі з-за мяжы: імі былі сеткі федэральнага ўрада, вайсковых, мясцовых органаў улады і сеткі буйных прадпрыемстваў.
Пра кібератакі Расеі на крытычную інфраструктуру раней заяўляла і Украіна. 11 ліпеня Служба бяспекі Украіны паведаміла пра паспяховае блакаванне кібератакі на сеткавае абсталяванне Аульскай хлорапераліўной станцыі - адзінага на Украіне прадпрыемства, якое забяспечвае водаправодна-каналізацыйныя прадпрыемствы вадкім хлорам для ачысткі вады. Паводле версіі Кіева, вірус, што атакаваў станцыю, распаўсюджваўся з тэрыторыі Расеі.