Берасце «паплыло» пасля залевы з навальніцай

• 12.07.2018, 19:09

Аўтамабілі стаяць па капот у вадзе.

Дождж у Берасці ішоў час ад часу цягам усяго дня. Да вечара горад накрыла навальніцай, градам і моцным ліўнем. Вуліцы моцна затапіла, у сацыяльных сетках паведамляюць, што праз навальніцу не працуюць запраўкі. Мацней за ўсё ўдар стыхіі адчула на сабе цэнтральная частка горада: аўтамабілі стаяць па капот у вадзе. Нядрэнна зачапіла і ўскраіны, піша kp.by.

Белгідрамет папярэджвае, што ў Менску сёння ў перыяд з 19 да 23 гадзін чакаецца навальніца.

Заўтра, у пятніцу, 13 ліпеня, амаль усю краіну накрыюць дажджы і навальніцы, месцамі моцныя ліўні. А на паўднёвым усходзе краіны магчымы і град.