З'явілася відэа падзення з 7-га паверха дзіцяці, якое злавілі мінакі
- 10.07.2018, 21:15
Дзіця злавілі мінакі.
З'явілася відэа падзення ў Менску з 7-га паверха 5-гадовага дзіцяці, якога злавілі мінакі. Як інфармаваў Charter97.org, здарэнне адбылося а 19.00 у панядзелак на вуліцы Маршала Лосіка.
Людзі заўважылі хлопчыка, які вісеў на падваконні. Мужчыны паспелі расцягнуць покрыва, якое прынесла жанчына. На яго і ўпала дзіця. Покрыва не вытрымала і парвалася, таму хлопчык атрымаў траўмы (у яго гематомы, закрытая чэрапна-мазгавая траўма, пераломаў няма), але застаўся жывы.
Ён знаходзіцца ў бальніцы. Аматарскае відэа паказаў тэлеканал СТВ.
Са слоў відавочцаў, маці хлопчыка гуляла ў двары з двума маленькімі дзецьмі (гэта адбылося ў шматдзетнай сям'і). Яна, нібыта, пасварылася з хлопчыкам і пакінула яго дома.
Праваахоўнікі праводзяць праверку паводле факта здарэння.