Форвард менскага «Дынама» Сарока можа працягнуць кар'еру ў Італіі
- 8.06.2018, 21:28
«Кьева» праяўляе рэальную цікавасць да беларускага футбаліста.
Да форварда менскага «Дынама» Антона Сарокі праяўляе рэальную цікавасць клуб італьянскай серыі «A» «Кьева», паведамляе «Прессбол».
Акрамя таго, гэты футбаліст знаходзіцца ў поле зроку турэцкай «Гезтэпе» і шэрагу іншых замежных клубаў.
«Кьева», фінішаваўшы на 14-й пазіцыі, захаваў прапіску ў мацнейшым італьянскім дывізіёне.
Сарока ў чэмпіянаце Беларусі 2018 правёў 6 матчаў і забіў 2 мячы.