У Берлінскім саборы паліцыя страляла ў дэбашыра
- 3.06.2018, 19:32
3 чэрвеня ў кафедральным саборы Берліна супрацоўнік паліцыі вымушаны быў стрэліць у наведвальніка.
Пра гэта ў Twitter паведамляе паліцыя нямецкай сталіцы, піша gordonua.com.
«У Берлінскім саборы...мы стрэлілі ў мужчыну-дэбашыра. Ён атрымаў раненне ў нагу... Пазбягайце спекуляцый», - сказана ў твіце.
«Нямецкая хваля» інфармуе, што пасля інцыдэнту сабор закрыла паліцыя, яго ачапіў спецназ.
Паводле наяўных звестак, раненні атрымалі два чалавекі.
Версію аб датычнасці да інцыдэнту тэрарыстаў праваахоўнікі адмаўляюць.