«Прессбол»: Фёдар Свабода пакідае жаночую каманду Беларусі ў біятлоне

• 23.06.2018, 21:46

Старшы трэнер каманды адмовіўся ад падаўжэння кантракту.

Як паведамляе «Прессбол», беларускі спецыяліст, які рыхтаваў каманду да Алімпійскіх гульняў у Пхенчхане, звольніўся, што называецца канчаткова. Трэнер адмовіўся ад падаўжэння кантракту, дзеянне якога заканчваецца ў канцы чэрвеня.

Цяпер у трэнінгавым працэсе бярэ ўдзел толькі адна спартоўка з асноўнага алімпійскага складу - Ірына Крыўко. Дынара Алімбекава праходзіць рэабілітацыю пасля аперацыі на левым плячы, Надзея Скардзіна і Надзея Пісарава кар'еры закончылі, Дар'я Домрачава дагэтуль ніяк не агучыла пастанову аб прадаўжэнні або заканчэнні кар'еры.