У матчы Бразілія - Коста-Рыка ўпершыню на ЧС пасля відэапаўтору скасаваны пенальці

• 22.06.2018, 17:56

Галоўны арбітр сустрэчы скарыстаўся VАR і не стаў прызначаць адзінаццаціметровы ўдар.

Інцыдэнт адбыўся за дзесяць хвілін да канца асноўнага часу матчу Бразілія - Коста-Рыка.

Неймар уварваўся ў штрафную плошчу костарыканцаў і заклаў фінт. У гэты час яго па датычнай закрануў рукою абаронца цэнтральна-амерыканскай каманды. Бразільскі форвард адчуў кантакт і паспяшаўся ўпасці. Аднак суддзя звярнуўся па дапамогу брыгады VAR і не стаў паказваць на «пункт».

Неймар быў настолькі раззлаваны, што схапіў мяч і ўдарыў па ім рукой, за што быў неадкладна «ўзнагароджаны» жоўтай карткай.

Бразілія правяла ў атацы практычна ўвесь другі тайм, аднак забіць ім удалося толькі ў дадатковы час. Вызначыўся Філіпэ Каўтынью, які запісаў на свой рахунак другі мяч на ЧС.