Багацце ўсіх мільянераў упершыню перавысіла $70 трыльёнаў

• 19.06.2018, 20:49

Да 2025 года гэтая сума можа скласці ўжо 100 трыльёнаў даляраў.

Пра гэта гаворыцца ў дакладзе кансалтынгавай кампаніі «Capgemini», паведамляе pl.com.ua.

У параўнанні з 2016 годам гэты паказчык вырас на 10,6 адсотка.

Пры гэтым, паводле прагнозаў кампаніі, да 2025 года гэтая сума можа скласці ўжо 100 трыльёнаў даляраў. Амаль трэць багацця мільянераў захоўваецца ў акцыях.

Сама колькасць даляравых мільянераў вырасла за мінулы год амаль на 10 адсоткаў - цяпер іх больш за 18 мільёнаў чалавек. Тры чвэрці новых мільянераў прыпала на Паўночную Амерыку і Азіяцка-Ціхаакіянскі рэгіён.

Багатыя людзі не страцілі цікавасць да крыптавалют - 29 адсоткаў апытаных мільянераў ахарактарызавалі сваю цікавасць да іх, як «высокую». Паводле звестак аналітыкаў, інвестыцыі ў крыптавалюты дасягнулі рэкорднага ўзроўню.