Эмілія Кларк прыадкрыла таямніцу сюжэту «Гульні тронаў»

• 19.06.2018, 17:50

Актрыса апублікавала нечаканае паведамленне.

Маці драконаў з Гульні тронаў, актрыса Эмілія Кларк развіталася з серыялам, у якім здымалася амаль дзесяць гадоў, піша nv.ua.

Заключны, восьмы, сезон серыяла «Гульня тронаў», заснаванага на цыкле раманаў «Песня Лёду і полымя» Джорджа Р. Р. Марціна, выйдзе на экраны толькі праз год - улетку 2019 года. Але нягледзячы на тое, што прадстаўнікі тэлеканала HBА яшчэ не абвяшчалі аб заканчэнні здымак, выканаўца адной з ключавых роляў сагі Эмілія Кларк ўжо развіталася з серыялам.

Актрыса, якая выканала ролю Дэенэрыс Таргарыен, напісала ў сваім Instagram наступнае: «Адправілася на востраў, каб развітацца з зямлёй, якая ёсць мой дом удалечыні ад дома амаль на дзесяць гадоў. Гэта была сапраўдная прыгода. «Гульня тронаў», дзякуй за жыццё, пра якое я раней нават не марыла, і за сям'ю, па якой я ніколі не перастану сумаваць».

Публікацыі Кларк паставілі ўпадабайкі больш за два мільёны прыхільнікаў серыяла. Цяпер застаецца толькі здагадвацца, чаму Эмілія Кларк скончыла працу над серыялам так рана: альбо Дэенэрыс будзе з'яўляцца ў фінальным сезоне «Гульні тронаў» рэдка, альбо Маці драконаў і зусім заб'юць. Але сюжэтныя дэталі стануць вядомыя толькі праз год.