Даляр і еўра зноў падаражэлі
- 19.06.2018, 14:07
На сённяшніх валютных таргах расейскі рубель прыкметна патаннеў.
На валютных таргах 19 чэрвеня беларускі рубель, як і напярэдадні, знізіўся да амерыканскай валюты і еўра, павялічыўся - да расейскага рубля.
Такая інфармацыя размешчаная на сайце Беларускай валютна-фондавай біржы.
Падчас таргоў курс еўра вырас на 0,0040 рубля (0,17%) і склаў 2,3327 рубля.
Курс даляра ЗША павялічыўся на 0,0050 рубля (0,25%) да 2,0152 рубля.
Курс расейскага рубля знізіўся на 0,0263 рубля (0,83%) і склаў 3,1437 беларускага рубля за 100 расейскіх.