У Польшчы перакуліўся аўтобус з турыстамі

• 18.06.2018, 11:09

Два чалавекі загінулі, яшчэ 16 атрымалі раненні.

У Польшчы ў Куяўска-Паморскім ваяводстве аўтобус з турыстамі сталага веку з'ехаў у кювет, два чалавекі загінулі, яшчэ 16 атрымалі раненні.

Пра гэта паведамляе RMF24.

Інцыдэнт адбыўся раніцай у панядзелак у мясцовасці Канстанцінава. Паводле нявысветленых дагэтуль прычынаў аўтобус выехаў на сустрэчную паласу, а потым у кювет.

Аўтобус належыць прыватнай турыстычнай фірме. У ім падарожнічалі 50 людзей сталага веку, якія накіроўваліся на экскурсію ў Гданьск.

У аварыі загінулі два чалавекі, яшчэ 16 траўмаваныя. Прынамсі шэсць чалавек у цяжкім стане. Частку параненых з дапамогай шрубалёта даставілі ў лякарню ў Быдгошчы.

На месцы аварыі працуюць ратавальнікі, якія абследуюць пацярпелых у ДТЗ. Як адзначаецца, колькасць параненых можа вырасці.