«Камунарка» накорміць кітайцаў «прэснымі» цукеркамі

• 17.06.2018, 21:28

«Камунарка» са жніўня плануе пачаць пастаўкі новай лінейкі цукерак на рынак Кітая.

Кандытарская фабрыка «Камунарка» са жніўня плануе пачаць пастаўкі новай лінейкі цукерак на рынак Кітая, паведаміў генеральны дырэктар «Камунаркі» Іван Данчанка ў эфіры тэлеканала СТВ, паведамляе БелТА.

«Цяпер мы пастаўляем прадукцыю ў 19 краін свету - гэта ўсе краіны былога СССР, Прыбалтыка, Нямеччына, Вугоршчына, ЗША, Канада, асвоілі рынак Ізраіля. Але больш актыўна мы цяпер прабіваемся на рынак Кітая. Спецыяльна для гэтага рынку распрацавалі новы прадукт - лінейку цукерак. Яны менш салодкія, больш прэсныя. У трэцяй дэкадзе чэрвеня мы пачнём іх вырабляць і апрабуем на сваім унутраным рынку, а ўжо са жніўня масава пачнём прадаваць гэты прадукт на рынак Кітая», - распавёў гендырэктар.