На трох вуліцах Менска спыніўся рух тралейбусаў
- 13.06.2018, 17:50
Прычына ў адсутнасці электраэнэргіі.
Чытачы onliner.by паведамляюць пра тое, што ў Менску ў раёне Партызанскага праспекта і вуліцы Аранскай, вуліц Маякоўскага і Дзянісаўскай нечакана спыніўся рух тралейбусаў. Грамадскі транспарт спыніўся, некаторыя аўтамабілі стаяць проста на пуцеправодах.
Тралейбусы спыніліся
У «Мінсктрансе» паведамілі, што спыненне тралейбусаў адбылася а 16:54.
- На вуліцах Аранскай, Маякоўскага, Дзянісаўскай праз адсутнасць электраэнэргіі адбылося спыненне руху тралейбусаў на маршрутах №3, 5, 6, 15, 19, 20, 24, 30, 36, 16, - гаворыцца ў паведамленні.
Паводле афіцыйнай інфармацыі, а 17:26 рух быў адноўлены.
Святлафоры адключыліся
Акрамя таго, паступае інфармацыя аб тым, што на некаторых вуліцах горада не працуюць святлафоры. Журналістам гэтыя звесткі пацвердзілі ў СМЭП Менгарвыканкама.
- Праз адсутнасць электраэнэргіі не працуюць 13 святлафорных аб'ектаў, - паведамілі ў СМЭП.