У Крыме прапала электрычнасць і мабільная сувязь

• 13.06.2018, 15:57

Акупаваны паўвостраў застаўся без святла.

У Крыме адбылося маштабнае адключэнне электраэнэргіі і не працуе мабільная сувязь.

Аб адсутнасці святла «Новой газете» паведамляюць жыхары Еўпаторыі, Севастопаля, Сімферопаля, Ялты і іншых гарадоў.

Карэспандэнт «Новой газеты» паведамляе, што адключэнне адбылося блізу 15:00 паводле маскоўскага часу. Прычыны аварыі пакуль невядомыя. Атрымаць каментар прадстаўнікоў «Крымэнэрга» «Новой газете» не атрымалася, бо на паўвостраве назіраюцца збоі ў працы сотавай сувязі.

РІА «Новости» таксама перадае, што святлафоры ў Сімферопалі не працуюць, крамы засталіся без святла.