У Салігорску кіроўца на хуткасці 100 км/г урэзаўся ў слуп і збег
- 10.06.2018, 18:47
Дзве дзяўчыны трапілі ў бальніцу.
ДТЗ адбылося ў суботу ўвечары на ўскраіне Салігорска, каля павароту да спартыўнай базы «Жамчужына».
Кіроўца, са слоў відавочцаў, ляцеў па набярэжнай з хуткасцю блізу 100-120 км/г. «Чапляе бардзюр на скрыжаванні, падлятае і ляціць у слуп, руйнуючы ўсё на сваім шляху», - напісалі відавочцы на сцяне «Солигорские автолюбители» Вконтакте.
Двух дзяўчат даставілі ў бальніцу, кіроўца збег, пакінуўшы пацярпелых на месцы ДТЗ.