У панядзелак у Беларусі будзе да 30 градусаў цяпла

• 10.06.2018, 14:51

На большай частцы тэрыторыі краіны ападкаў не будзе.

У найбліжэйшыя суткі, 11 чэрвеня, у Беларусі чакаецца надвор'е з зменнай воблачнасцю. Уначы ападкі не прагназуюцца, а раніцай і ўдзень кароткачасовыя дажджы з навальніцамі пройдуць у заходніх раёнах краіны, паведамляе БелТА.

Вецер уначы будзе слабы, удзень – паўднёвы, сярэдні, пры навальніцах парывісты.

Тэмпература паветра ноччу і раніцай складзе 10–16 градусаў са знакам плюс, але на ўсходзе Беларусі будзе толькі 7–9 цяпла. Днём сіноптыкі прагназуюць цёплае надвор'е да +24, а ў некаторых раёнах нават спёку да +30.