Польшча выдаткуе $35 мільярдаў на дапамогу ўладальнікам прыватных дамоў

• 10.06.2018, 13:38

Сродкі на мадэрнізацыю ацяплення атрымаюць амаль чатыры мільёны чалавек.

Урад Матэвуша Маравецкага ў Польшчы анансаваў чарговую сацыяльную праграму. Ён выдае 130 млрд злотых (амаль 35 млрд даляраў) на мадэрнізацыю прыватных дамоў, паведамляе nn.by.

У рамках праграмы за 10 гадоў плануюць палепшыць цеплаізаляцыю і ўсталяваць больш сучаснае ацяпленне ў трох-чатырох мільёнах прыватных дамоў.

Адной з мэтаў праграмы з'яўляецца паляпшэнне стану паветра. У Польшчы вялікая праблема - смог, бо многія прыватныя дамы ацяпляюцца пераважна вугалем.