«Іслач» перапыніла пераможную серыю БАТЭ

• 28.05.2018, 20:45

У матчы дзявятага тура чэмпіянату Беларусі БАТЭ згуляў унічыю з «Іслаччу» (1:1).

Такім чынам, «ваўкі» перапынілі пераможную серыю барысаўчан у чэмпіянаце. Дагэтуль каманда Алега Дулуба ў васьмі папярэдніх турах здабывала перамогі, паведамляе «Трибуна».

Зафіксаваны клубны рэкорд БАТЭ - восем перамог запар у стартавых турах чэмпіянату.

У гісторыі вышэйшай лігі быў толькі адзін выпадак больш працяглай стартавай пераможнай серыі. У аднаколавым восеньскім чэмпіянаце-1995 менскае «Дынама» перамагала ў дзесяці пачатковых турах.