Гомельская журналістка ў знак пратэсту прыйшла ў суд са завязаным ротам

• 28.05.2018, 19:24

Ларысу Шчыракову аштрафавалі за стрым на сваім Facebook.

У красавіку 2018 году Ларыса Шчыракова зладзіла некалькі стрымаў з кватэры ў Калінкавічах, дзе галадалі маці асуджаных паводле артыкула 328 Крымінальнага кодэкса. Журналістка рабіла стрым на сваім Facebook. Тэлеканал «Белсат» апублікаваў яе відэа на belsat.eu.

Нагадаем, што ўдзельніцы галадоўкі патрабавалі змякчыць пакаранне паводле «наркатычнага» артыкулу.

У выніку суддзя Кугейка Святлана пастанавіла пакараць журналістку за незаконны выраб і распаўсюд інфармацыі (арт. 22.9 КоАП РБ) штрафам сумаю 40 базавых велічынь (Br 980).