Міхаіл Грабоўскі: Хацелася б дапамагаць нашым беларускім дзецям

• 28.05.2018, 19:03

Нападнік «Вегаса» выказаў жаданне дапамагчы ў развіцці беларускага хакея.

Міхаіл Грабоўскі падчас майстар-класа для юных хакеістаў з Воршы выказаў жаданне дапамагчы ў развіцці беларускага хакея.

«Мне заўсёды хочацца займацца тым, што падабаецца. Хакей - гэта для мяне пакуль №1. І №1 - гэта нацыянальная каманда Беларусі, Рэспубліка Беларусь і ўсё, што звязана з хакеем, акрамя НХЛ, бо на гэты момант я там ужо не гуляю. Але яшчэ, дарэчы, з кантрактам. Таму хацелася б дапамагаць нашым беларускім дзецям, чым магу. Хочацца перадаваць свой досвед. Ведаю, што для іх гэта вельмі важна. І для мяне важна. Калі перадам свой досвед камусьці іншаму, у мяне будзе чыстае сэрца», - цытуе Грабоўскага «Прессбол».