Берасцейка праспявала песню на беларускай мове ў фінале конкурсу «Ты супер!»

• 27.05.2018, 17:57

16-гадовая беларуска заняла другое месца на вакальным шоў на НТВ.

Вера Ярошык, якая раней выканала на конкурсе песню «Абдымкі» ўкраінскага гурта «Акіян Эльзы», у фінале праспявала песню «Зачараваная» на словы Генадзя Бураўкіна, паведамляе «Белсат» «Белсат».

Вера заняла другое месца ў конкурсе «Ты супер!», у якім удзельнічаюць выхаванцы школ-інтэрнатаў, дзіцячых дамоў і дзеці з прыёмных сем'яў.

«Яе чакае вялікая колькасць дзіўных сюрпрызаў. Для яе адкрытае маё сэрца, мая студыя, мая кампанія. Усё, што я ведаю, я гатовы табе перадаць», - сказаў Веры адзін з чальцоў журы Віктар Дробыш.

У адным з этапаў конкурсу Вера Ярошык разам са спеваком Русланам Аляхно выканала песню «Мой родны кут» на словы Якуба Коласа. Песня «Абдымкі» ў выкананні Веры ў розных сацыяльных сетках сабрала мільёны праглядаў.

Веры 16 гадоў, яна грае на цымбалах і фартэпіяна. Марыць стаць прафесійнай спявачкай.