УЕФА назваў месца правядзення фіналаў Лігі чэмпіёнаў і Лігі Еўропы ў 2020 годзе

• 24.05.2018, 19:13

У Кіеве абвясцілі месца правядзення фіналаў еўракубкаў у сезоне 2019/2020.

Фінал Лігі чэмпіёнаў сезона 2019/2020 пройдзе ў турэцкім Стамбуле, а фінал Лігі Еўропы прыме польскі Гданьск. Пастанову прынялі паводле вынікаў пасяджэння выканаўчага камітэта УЕФА, якое адбылося 24 траўня ў Кіеве, паведамляе gordonua.com.

Фінал Лігі чэмпіёнаў у 2020 годзе прыме «Алімпійскі стадыён» у Стамбуле, фінал жаночай Лігі чэмпіёнаў пройдзе на стадыёне ім. Франца Хора ў Вене (Аўстрыя), фінал Лігі Еўропы прыме арэна «энэргіі» ў Гданьску, а матч за Суперкубак УЕФА пройдзе на стадыёне «Драган» у Порту (Партугалія).

Фінал мужчынскай і жаночай Лігі чэмпіёнаў сезона 2017/2018 упершыню ў гісторыі пройдзе ў Кіеве. У фінале турніру 26 траўня на НСК «Алімпійскі» згуляюць гішпанскі «Рэал» і ангельскі «Ліверпуль». Улады чакаюць, што ў сталіцу прыедзе блізу 100 тысяч гасцей.

24 траўня а 18.00 на сталічным стадыёне «Дынама» імя Валерыя Лабаноўскага адбудзецца фінал жаночай Лігі чэмпіёнаў. За трафей пазмагаюцца нямецкі «Вольфсбург» і французскі «Ліён».