Графіці ў Берасці: «Прымаю эстафету, пачну з дэкрэта №1»

• 22.05.2018, 12:57

У Берасці прайшла крэатыўная акцыя супраць дэкрэта аб «дармаедах».

Сёння на самым людным скрыжаванні ў цэнтры Берасця з'явілася стрыт-арт інсталяцыя пад назвай «Дыктатары - браты па розуму». Пра гэта Charter97.org паведаміў чытач.

На графіці выяўлены Лукашэнка, якія рапартуе Сталіну, які стаіць насупраць яго: «Прымаю эстафету, пачну з дэкрэта №1».

«Рэжым Лукашэнкі шмат у чым пераймае сталінскую дыктатуру - рэпрэсіі, прыгнёт свабоды слова, ідэалогія і пераслед іншадумцаў. Цяпер ён дакаціўся да стварэння свайго ўласнага «ГУЛАГу» ў выглядзе дэкрэта №1, які фактычна прымушае беларусаў да рабскай працы», - распавялі аўтары інсталяцыі.

Нагадаем, 25 студзеня Лукашэнка падпісаў дэкрэт №1, якім прадугледжаны захады для спрыяння занятасці насельніцтва. У новы дэкрэт не ўвайшлі нормы аб збіранні з працаздольных непрацоўных грамадзян збору на фінансаванне дзяржаўных выдаткаў.

На месцах будуць створаны спецыяльныя камісіі, якія будуць збіраць інфармацыю пра «дармаедаў».

Працаздольныя грамадзяне, не занятыя ў эканоміцы, будуць аплачваць тарыфамі, якія забяспечваюць 100% кампенсацыю выдаткаў, наступныя камунальныя паслугі:

гарачае водазабеспячэнне, газазабеспячэнне пры наяўнасці індывідуальных газавых ацяпляльных прыбораў, цеплазабеспячэнне.

Пастанова ўваходзіць у дзеянне з 1 студзеня 2019 года.

Нагадаем, што папярэдняя версія дэкрэта выклікала масавыя пратэсты сярод насельніцтва.