«Пасігнальце, калі супраць Лукашэнкі»: Віцебскія школьнікі вымералі рэйтынг дыктатара

• 19.05.2018, 16:07

Кіроўцы сігналілі вельмі актыўна.

Віцебскія дзявяцікласнікі Павел і Сяргей 19 траўня наважыліся вымераць рэйтынг Лукашэнкі, паведамляе «Радыё Свабода».

Хлопцы выйшлі з плакатам «пасігнальце, калі супраць Лукашэнкі» на Маскоўскі праспект, каб паназіраць, ці часта ім будуць сігналіць кіроўцы.

Адзін з іх трымаў плакат, другі фіксаваў тое, што адбываецца, на відэа. Хлопцы гавораць, што сігналілі даволі актыўна, хоць правілы дарожнага руху забараняюць выкарыстоўваць гукавы сігнал не паводле прызначэння.