Траволта выканаў гарачы танец у Канах пад песню 50 Cent
- 16.05.2018, 18:05
Амерыканскі актор Джон Траволта парадаваў карыстальнікаў сацыяльных сетак танцам пад песню 50 Cent.
Рэпер выступаў у Канах на прэм'еры драмы «Кодэкс Гоці», у якой Траволта выканаў галоўную ролю. У нейкі момант актор выйшаў на сцэну станцаваць пад песнд «Just A Lil Bit». Мяркуючы з рэакцыі гледачоў, яны засталіся задаволеныя.
«Я і Джон Траволта заводзім! Клянуся, я прыехаў сюды толькі праз яго», - напісаў 50 Cent у Twitter, апублікаваўшы ролік з танцам 64-гадовага актора.
У каментарах да твітаў 50 Cent карыстальнікі ўспомнілі пра іншыя знакамітыя танцы актора з такіх фільмаў, як «Крымінальнае чытво» і «Брыолін», а таксама пра мэм з яго удзелам.