Мапы Google не паказваюць Крымскі мост

• 16.05.2018, 15:33

На мапах адзначаная толькі паромная пераправа.

З сённяшняга дня адкрыты аўтамабільны рух праз Крымскі мост, які злучыў Тамань і Керч. Аднак на мапах Google гэтага будынка пакуль няма, заўважылі карыстальнікі з Расеі.

Цікава, што мапы «Яндэкса» мост паказваюць і нават прапануюць правесці па ім маршрут падарожжа:

Працягласць моста праз Керчанскі праліў складае 19 кіламетраў. Яго можна перасекчы за 15 хвілін. Раней дабрацца з Тамані ў Керч можна было толькі па моры на пароме.