У Магілёве адбылася масавая бойка хакеістаў з Расеі і Славакіі

• 23.04.2018, 21:09

Славакі выйгравалі з лікам 2:1, калі пачалася бойка.

У Магілёве адбылася масавая бойка хакеістаў з Расеі і Славакіі.

Юныя спартоўцы 2002 года нараджэння ўдзельнічалі ў турніры «Кубак Перамогі» ў складзе каманд «Русь» і «Банска-Быстрыца», паведамляе euroradio.fm.

Славакі выйгравалі з лікам 2:1, калі пачалася бойка.

На відэа, якое з'явілася ў Twitter, можна ўбачыць, што спачатку біліся хлопцы ў цывільным адзенні па-за лядовай пляцоўкай. Неўзабаве да іх далучыліся хакеісты. Хлопцы выкарыстоўвалі і кулакі, і клюшкі. І адбывалася ўсё гэта пад плакатам «Перамагаем разам!».

У выніку матч скончыць не атрымалася - каманды былі адпраўленыя ў раздзявальні.