ЧС-2018: Беларускія юніёры выйшлі ў чвэрцьфінал упершыню за 16 гадоў

• 23.04.2018, 18:08

Хакеісты каманды Беларусі ў матчы трэцяга тура групавога этапу ЧС падолелі Швейцарыю за 12 секунд да канца матча.

Юніёрская каманда Беларусі ў матчы трэцяга тура групавога этапу чэмпіянату свету падолела каманду Швейцарыі (5:4), паведамляе «Трибуна».

Гэтая перамога дазволіла камандзе Паўла Перапехіна выйсці ў 1/4 фіналу чэмпіянату.

У заключным туры групавога раўнда Беларусь згуляе з ЗША 24 красавіка.

Апошнім разам каманда Беларусі выходзіла ў плэй-оф юніёрскага чэмпіянату свету ў 2002 годзе. Тады каманда заняла пятае месца. У тым складзе беларусаў былі Андрэй Касціцын, Міхаіл Грабоўскі і Уладзімір Дзянісаў.