У панядзелак у Беларусі будзе да +18
- 22.04.2018, 16:13
Уначы пройдуць кароткачасовыя дажджы, магчымыя навальніцы.
Найбліжэйшымі днямі, 23 красавіка, у Беларусі чакаецца надвор'е са зменнай воблачнасцю, паведамляе БелТА са спасылкай на Белгідрамет.
Уначы месцамі ў Віцебскай і Магілёўскай абласцях пройдуць кароткачасовыя дажджы, магчымыя навальніцы. Удзень у асобных раёнах на захадзе краіны таксама чакаюцца кароткачасовыя дажджы, магчымыя навальніцы.
Вецер будзе няўстойлівы, парывісты.
Тэмпература паветра ўначы складзе 1-6 градусаў вышэй за нуль, месцамі на паўночным усходзе краіны - да мінус 2 градусаў. Удзень паветра прагрэецца да 11-18 градусаў цяпла.