Нападнік «Вашынгтона» сустрэўся з дзяўчынкай, якой дарыў шайбу
- 22.04.2018, 11:53
Шасцігадовая заўзятарка Кіла Мокслі атрымала яшчэ адзін падарунак.
Нападнік «Вашынгтон Кэпіталз» Брэт Коналі сустрэўся з дзяўчынкай, якой падарыў шайбу перад другім матчам серыі з «Каламбус Блю Джэкетс». Пра гэта паведамляе gazeta.ru.
Відэа з шасцігадовай дзяўчынкай Кіла Мокслі стала хітом інтэрнэту. На пятую гульню ў серыі Кіла і яе сям'я былі запрошаныя ў якасці спецыяльных гасцей уладальніка «сталічных» Тэда Леонсіса.
Перад стартам матчу Кіла папрасілі завесці трыбуны, некалькі разоў выгукнуўшы у мікрафон: «Наперад, «сталічныя!».
«Гэта было вельмі весела!», - з усмешкай сказала дзяўчынка.
Пасля матчу Кіла была запрошаная ў распранальню «Вашынгтона», дзе Коналі зрабіў ёй яшчэ адзін падарунак, прэзентаваўшы сваю клюшку.