Лукашэнка: Я не супраць, калі людзі 70–100 грамаў гарэлкі праз дзень выпіваюць

• 21.04.2018, 19:41

Дыктатар апавёў пра сваё стаўленне да алкаголю.

Пра гэта Лукашэнка заявіў журналістам падчас рэспубліканскага суботніка, паведамляе агенцтва БелТА.

Ён апавёў, што падчас нядаўняга візіту ў Малдову паспрабаваў некалькі відаў мясцовага віна і пахваліў ягоную якасць.

"Малдаўскія віны нам вядомыя. Нам трэба наш народ больш прывучаць да нармальных вінаў. Ад самагонкі, ад гэтых моцных напояў (адвучаць. – заўв.).

Я не супраць, калі людзі 70–100 грамаў гарэлкі праз дзень выпіваюць. Але мы ж не ўмеем 70–100 грамаў. Мы ж калі сядзем, трэба літр заліць моцных напояў за адзін раз. А здароўя гэта не дадае. Таму трэба прывыкаць да еўрапейскага варыянту спажывання вінаў. Гэта карысна, калі адзін-два куфлі за дзень віна выпіваеш, але менавіта якаснага", – адзначыў Лукашэнка.

Нагадаем, Беларусь традыцыйна займае першыя месцы ў рэйтынгу спажывання алкаголю на душу насельніцтва.