Эксперты АЗХЗ наведалі раён Думы, дзе ўжывалася хімзброя

• 21.04.2018, 19:25

Спецыялісты прыбылі ў Сірыю для збору ўзораў.

Місія Арганізацыі забароны хімічнай зброі (АЗХЗ) наведала ў суботу 21 красавіка адзін з раёнаў у горадзе Дума, у Сірыі, для збору ўзораў у сувязі з падазрэннямі, што 7 красавіка ў гэтым месцы ўжывалася хімічная зброя. Паводле вынікаў сённяшняй паездкі АЗХЗ прааналізуе сітуацыю і прыме пастанову пра магчымую новую паездку ў Думу, паведамляе «Радыё Свабода».

Некаторыя заходнія СМІ сцвярджалі, што напад быў здзейснены ўрадавымі войскамі рэжыму Башара Асада. ЗША, Вялікая Брытанія і Францыя абвінавацілі сірыйскі ўрад ва ўжыванні хімічнай зброі супраць мірнага насельніцтва, а ў ноч з 13 на 14 красавіка ўзброенымі сіламі гэтых дзяржаваў былі нанесеныя кропкавыя ракетныя ўдары ў тры аб'екты, дзе, як сцвярджаецца, распрацоўвалася, выраблялася і захоўвалася хімічная зброя.