Беларускі трэнер можа ўзначаліць украінскі клуб

• 21.04.2018, 13:45

Леанід Кучук можа быць прызначаны галоўным трэнерам «Александрыі».

Галоўным трэнерам «Александрыі» можа быць прызначаны Леанід Кучук, які раней працаваў з «Растовам», паведамляе footboom.com.

Прэзідэнт «Александрыі» Сяргей Кузьменка разглядае яшчэ адну кандыдатуру. Гэта ўкраінскі перспектыўны трэнер з досведам самастойнай работы, імя якога не ўдакладняецца.

Пошукі новага трэнера звязаныя з няўдалым выступам александрыйскага клуба ў гэтым сезоне.

58-гадовы Кучук раней трэніраваў у чэмпіянаце Украіны кіеўскі «Арсенал» і «Сталь». Апошнім месцам ягонай працы быў «Растоў», які ён пакінуў у снежні.

Пасля 27 тураў «Александрыя» займае 2-е месца ў другой шасцёрцы УПЛ.