Чаму цікавасць да біткойна ўпала?

• 20.04.2018, 18:21

Дамінаванне манеты знізілася.

Некалькі гадзін таму курс біткойна перавысіў адзнаку $8500, аднак кошт альткойнаў за апошні дзень вырас значна больш. Паказчык дамінавання першай крыптавалюты, паводле сайту Coinmarketcap, толькі за апошні дзень знізіўся практычна на 7% - з 45% да 38%, піша РБК.

Гэта адбылося праз тое, што кошт астатніх лічбавых грошай вырас значна мацней, чым курс біткойна. Гэта можна растлумачыць высокім коштам манеты і велічынёй яе капіталізацыі: чым гэтыя параметры вышэйшыя, тым больш складана ўплываць на курс.

Выданне Cryptovest мяркуе, што апошнім часам інвестары звяртаюць увагу на альткойны і пераводзяць у іх свае сродкі. Зрэшты, значна больш карыстальнікаў купляюць біткойн, чым прадаюць яго, што пазітыўна ўплывае на рост курсу першай крыптавалюты.

Спецыялісты адзначылі, што большасць трэйдараў чакаюць шалёнага росту крыптавалют ужо ў траўні. На сёння біткойн выкарыстоўваецца як сховішча прыбытку ад выйгрышаў на спекулятыўным росце некаторых альткойнаў. На сёння найбольшы аб'ём гандлю ідзе не з ЗША, дзе паступова становяцца больш жорсткімі правілы рэгулявання рынку, а з Японіі. На краіну прыпадае 56% усіх аперацый з лічбавымі грашыма.