Шандаровіч: Расея як нацыя разарваная на шматкі

• 20.04.2018, 18:09

Рэакцыя расейцаў на падзеі ва Украіне засведчыла, што людзі «даўно страцілі магчымасць размаўляць» адзін з адным.

Расея як нацыя «разарваная на шматкі». Пра гэта заявіў расейскі пісьменнік і публіцыст Віктар Шандаровіч у інтэрв'ю Цензор.НЕТ, каментуючы стаўленне людзей да расейскай агрэсіі ва Украіне.

«Што да Расеі, то мы як нацыя разарваныя на шматкі. Мы даўно ўжо страцілі здольнасць размаўляць. У нас тут абсалютны распад. Ці не Facebook у гэтым вінаваты, ён толькі праявіў поўную адсутнасць якой бы там ні было талерантнасці і павагі да чужога меркавання», - сказаў ён.

Са слоў пісьменніка, расейцы «здольныя пасварыцца праз зусім нязначныя прычыны».

Узброены канфлікт на ўсходзе Украіны пачаўся ў красавіку 2014 года. Баявыя дзеянні вядуцца паміж Узброенымі сіламі Украіны і прарасейскімі баевікамі, якія кантралююць частку Данецкай і Луганскай абласцей.