У трох раёнах Менска знікла вада
- 2.04.2018, 9:40
Вады няма ў Ленінскім, Кастрычніцкім і Заводскім раёнах.
Пра гэта паведамілі ў кантакт-цэнтры ЖКГ на нумары 115, піша kp.by.
- Інфармацыя пра аварыю прыйшла даслоўна 10 хвілін таму, - паведаміла а 8.30 аператар адзінага кантакт-цэнтра ЖКГ. - Аварыя на вадаводзе, няма вады ў трох раёнах - Кастрычніцкім, Ленінскім і Заводскім.
Згодна са словамі аператара, над ліквідацыяй наступстваў ужо працуюць спецыялісты. Прыблізны час, калі вада з'явіцца, у кантакт-цэнтры назваць не здолелі.