МТС абвясціў пра павышэнне тарыфаў
- 19.04.2018, 20:39
Кошты на мабільную сувязь будуць павялічаны з 1 траўня.
Кампанія МТС услед за іншымі аператарамі (life:), velcom) абвясціла пра павышэнне тарыфаў на мабільную сувязь. З 1 траўня абяцаецца павелічэнне коштаў прыкладна на 3%. Апошні раз паслугі МТС даражэлі ў красавіку летась, паведамляе tut.by.
Паведамляецца, што «змяненне абумоўленае развіццём інфраструктуры, укараненнем новых тэхналагічных развязанняў і развіццём лічбавых прадуктаў, неабходных для павышэння якасці паслуг».
З новымі тарыфамі на сотавую сувязь і фіксаваны інтэрнэт можна азнаёміцца па спасылках: фіз.асобы, юр.асобы, роўмінг.
Таксама аператар сцвярджае, што сумы штомесячных плацяжоў растэрміноўкі за абсталяванне ў рамках раней заключаных дамоў застаюцца нязменнымі. На лінейцы тарыфаў «4G» МТС працягне выдаваць скідкі на абаненцкую плату для новых і дзейных кліентаў да 2018/05/31 года, пра што будзе анансавана дадаткова.