У Ерэване на плошчы Рэспублікі праходзіць мітынг (Відэа, анлайн)
- 18.04.2018, 21:40
Перад пачаткам мітынгу прагучаў гімн Арменіі і быў разгорнуты 100-метровы армянскі сцяг.
Сёння вечарам у Ерэване на плошчы Рэспублікі праходзіць мітынг прыхільнікаў апазіцыйнага руху, які выступае супраць прэм'ерства экс-прэзідэнта Арменіі Сержа Саргсяна, паведамляе azatutyun.am.
Перад пачаткам мітынгу прагучаў гімн Арменіі і быў разгорнуты 100-метровы армянскі сцяг, які, са слоў арганізатараў мітынгу быў пашыты ў Гішпаніі падчас чатырохдзённай красавіцкай вайны ў Карабаху 2016 годзе і які ім даслала армянская абшчына Гішпаніі.
Выступаючы перад прысутнымі адзін з лідараў руху Армен Грыгаран заявіў, што сёння, акрамя Ерэвана, акцыі пратэсту прайшлі і ў іншых гарадах краіны, між іншым, у Гюмры і Ванадзор, а таксама ў дыяспары, між іншым у Маскве і Марсэлі.
Апазіцыянер Давід Санасарян у сваім выступе заклікаў усіх грамадзян і арганізацыі спыніць працу і далучыцца да пратэсту. Ён паведаміў, што адна арганізацыя, якая працуе ў медыцынскай сферы, ужо заявіла пра тое, што спыняе працу на час пратэстаў.